ගුවන් ගමන් සඳහා පූර්ණ ධාරිතාවයෙන් යුතුව ක්රියා කිරීමට අවම වශයෙන් ගුවන් නියමුවන් 330ක් අවශ්ය වන බවත් එහෙත් ඉන් 70ක් දැනට ඉල්ලා අස්වී ඇති බවත් ශ්රී ලංකා ගුවන් නියමුවන්ගේ සංගමය පවසයි.
ඔවුන් නිවේදනයක් නිකුත් කරමින් පවසන්නේ තවත් පිරිසක් රට හැරයාමට සූදානමින් සිටින බවත් ගුවන් නියමුවන් බරපතල අර්බුදයකට පත්කරමින් ශ්රී ලංකන් ගුවන් සේවය මෙම තත්ත්වයට පත්කරනු ලැබුවේ එහි කළමනාකාරිත්වය බවත්ය.
පසුගිය 20 වැනිදා දකුණු කොරියාවේ රැකියා සඳහා පිටව යාමට සිටි ශ්රමිකයින් රැගත් ගුවන් යානයේ ප්රමාදයටද සූදානම්ව සිටි ගුවන් නියමුවන් නොපැමිණීම හේතු වූ බවයි ඔවුන් පවසන්නේ.