පේරාදෙණිය විශ්වවිද්‍යාලය ජනතාවට නැරඹීමට විවෘත කළ පළමු දිනයේදී ලක්ෂ දෙකක පිරිසක් පැමිණ ඇති බව එහි උපකුලපති මහාචාර්ය එම්.ඩී. ළමාවංශ පැවසීය.
එමෙන්ම සමාජ මාධ්‍ය තුළ පේරාදෙණිය විශ්වවිද්‍යාලය නැරඹීමට ගිය ජනතාව එහි ස්වභාව සෞන්දර්යට සහ විශ්වවිද්‍යාල දේපළවලට හානි වන අයුරින් කටයුතු කිරීම සම්බන්ධයෙන් පළ වූ වාර්තා අසත්‍ය බවත් එලෙස විශ්වවිද්‍යාලයේ ස්වභාව සෞන්දර්යට සහ විශ්වවිද්‍යාල දේපළවලට අලාභහානි වී ඇති බවට ප්‍රකාශ කරන ඕනෑම පුද්ගලයෙකුට සරසවිය තුළට පැමිණ එහි සත්‍ය අසත්‍යතාවය විමසා බැලීමට අවස්ථාව ලබාදෙන බවත් උපකුලපතිවරයා අවධාරණය කළේය.
ජූලි 1 වනදා යෙදී තිබූ පේරාදෙණිය විශ්වවිද්‍යාලයේ 80 වන සංවත්සරයට සමගාමීවයි ජනතාවට මෙම අවස්ථාව හිමිවූයේ.
එහිදී විශ්ව විද්‍යාලය තුළ ඇති පීඨ 9 ම නැරඹීමට ජනතාවට අවස්ථාව හිමි විය.