මේ වසරේ ගත වූ කාලය තුළ ඩෙංගු රෝගය වැළදීමෙන් පුද්ගලයින් 31ක් ජීවිතක්ෂයට පත්ව ඇති බව ඩෙංගු මර්දන ඒකකය පවසයි.
එමෙන්ම ගතවූ දින දෙක තුළ පමණක් දිවයින පුරා ඩෙංගු රෝගීන් 439 දෙනෙකු හඳුනාගෙන ඇති අතර ඒ අනුව මේ වසරේ ගතවූ කාලය තුළ මෙරටින් ඩෙංගු රෝගීන් 49,759 දෙනෙකු හඳුනාගෙන ඇති බවයි සෞඛ්ය අමාත්යංශය සඳහන් කරන්නේ.
එම රෝගීන්ගෙන් 24,837 දෙනෙකු බස්නාහිර පළාතෙන් හඳුනාගෙන ඇති අතර මේ වන විට දිවයින පුරා සෞඛ්ය වෛද්ය නිලධාරී කොට්ඨාස 61ක් අධි ඩෙංගු අවදානම් කලාප ලෙස හඳුනාගෙන තිබේ.