රත්මලාන හා යාපනය අතර අභ්‍යන්තර ගුවන් සේවා ආරම්භ කර තිබේ.
ඒ අනුව ප්‍රථම ගුවන් යානය මගීන් 12 දෙනෙකු සමඟ රත්මලානේ සිට යාපනය ජාත්‍යන්තර ගුවන්තොටුපළ වෙත ළගා වූ බවයි රත්මලාන ගුවන්තොටුපළේ කළමනාකරු සඳහන් කළේ.
රත්මලාන හා යාපනය අතර ගුවන් ගමනක් සඳහා පැය එකයි විනාඩි දහයක කාලයක් ගත වන අතර එක් මගියෙකුට කිලෝග්‍රෑම් 7ක බරක් රැගෙන යා හැකිය. තනි ගමනක් සඳහා එක් අයෙකුට රුපියල් 41,500ක ගාස්තුවක් අයකරනු ලබයි.
සෑම සතියකම සෙනසුරාදා, ඉරිදා, අගහරුවාදා හා බ්‍රහස්පතින්දා යන දිනවල පෙරවරුවේ මෙම ගුවන් ගමන් පැවැත්වෙනවා.