පසුගිය දීර්ඝ සති අන්තයේදී නෙළුම් කුළුණ නැරඹීමට පුද්ගලයින් 18,728ක් පැමිණ ඇති බව එහි කළමනාකාරීත්වය පවසයි.
මෙම ගණනය කිරීම කර ඇත්තේ ජූලි 01, 02 සහ 03 යන දිනවල රට පුරා විසිරී සිටින අමුත්තන් සංඛ්‍යාව අනුවයි.
මේ අතර මෙම කාලය තුළ නෙළුම් කුළුණ නැරඹීමට විදේශීය අමුත්තන් 367ක් පැමිණ ඇත. පසුගිය වසරේ සැප්තැම්බර් මස 15 වනදා මෙම කුළුණ මහ ජනතාවට විවෘත කළ දින සිට මේ දක්වා කුළුණ නැරඹීමට පැමිණ ඇති මුළු සංඛ්‍යාව 953,918ක් වන අතර ඉන් 18,320ක් විදේශිකයන් වේ.