― political ―

නිලන්ති කොට්ටහච්චි වෙනුවෙන් නීතිය අකුරට

පාර්ලිමේන්තු මන්ත්‍රී නිලන්ති කොට්ටහච්චි මහත්මියට අපහාසකාරී ලෙස සමාජ මාධ්‍යට පෝස්ටුවක් පළකළේ යැයි චෝදනා වන මිල්ලනිය ප්‍රදේශීය සභාවේ හිටපු මන්ත්‍රී රවීන්ද්‍ර නවමුණි අත්අඩංගුවට ගෙන ඇත. අපරාධ...

HomeHot News“බටවල සුපුන් ” අත්අඩංගුවට

“බටවල සුපුන් ” අත්අඩංගුවට

සංවිධානාත්මක අපරාධකරුවෙක් සහ මත්ද්‍රව්‍ය ජාවාරම් කරුවෙකු වන නදුන් චින්තක වික්‍රමරත්න නොහොත් හරක් කටාගේ මෙරට මත්ද්‍රව්‍ය ජාලය මෙහෙය වන බටවල සුපුන් නමැති සැකකරු පොලිස් විශේෂ කාර්ය බලකා නිලධාරීන්ගේ අත්අඩංගුවට ගෙන තිබෙනවා.

දකුණු පළාත තුල සිදුවන සංවිධානාත්මක අපරාධ මැඩ පැවැත්වීම සදහා ස්ථාපිත කර ඇති පුෂ්පාරාම උප කඳවුරේ නිලධාරීන්ට ලැබුණු තොරතුරකට අනුවයි වැලිගම ප්‍රදේශයේදී වැටලීම සිදු කර ඇත්තේ.

එහි දී අයිස් මත්ද්‍රව්‍ය ග්‍රෑම් 10 යි මිලි ග්‍රෑම් 300ක්, මුදල් රුපියල් 350,000ක් සහ යතුරු පැදියක් සමග වැලිගම ප්‍රදේශයේ පදිංචි 33 හැවිරිදි සැකකරු අත්අඩංගුවට ගැනුණා.

සැකකරු වැඩිදුර විමර්ශන සඳහා වැලිගම පොලිසිය වෙත භාර දී තිබෙනවා.

පොලිසිය සිදු කළ විමර්ශනවලදී අනාවරණ වී ඇත්තේ මෙම සැකකරු සංවිධානාත්මක අපරාධකරුවෙක් සහ මත්ද්‍රව්‍ය ජාවාරම් කරුවෙකු වන නදුන් චින්තක වික්‍රමරත්න නොහොත් හරක්කටාගේ මෙරට මත්ද්‍රව්‍ය ජාලය මෙහෙය වන බටවල සුපුන් නැමති අනුවර්ථ නාමයෙන් හදුන්වන පුද්ගලයකු බවටයි.