මිලානෝ නගරය ආසන්නයේ පිහිටි ගඟක නෑමට ගිය ශ්‍රී ලාංකික 25 හැවිරිදි තරුණයෙකු සැඩපහරකට හසුවී ගසාගෙන යද්දී එම තරුණයා බේරා ගැනීමට ගඟට පැන්නඔහුගේ 60 හැවිරිදි පියාද පුතු සමඟ දියේ ගිලී මිය යාමේ අනුවේදනීය පුවතක් ඉතාලියෙන් වාර්තාවෙනවා.
මෙලෙස මිය ගොස් ඇත්තේ ඉතාලියේ රැකියා කරන වෙන්නප්පුව, බෝලවත්ත ප්‍රදේශයේ පදිංචිව සිටි පිය පුතු දෙපළයි.
ඔවුන් දෙදෙනා ඔවුන්ගේ ඥාතීන් සහ මිතුරන් පිරිසක් සමග ඉකුත් සිකුරාදා මෙම ගඟේ නෑමට ගොස් ඇතිබව සඳහන්.
ගඟේ බැස නාමින් සිටි තරුණයා ගසාගෙන යනවා දුටු ඔහුගේ පියා එක්වරම සිය පුතා බේරා ගැනීමේ අරමුණෙන් ගඟට පැන්න අවස්ථාවේ ඔහු ද සැඩපහරට හසුවී ගසාගෙන ගොස් ඇතැයි වැඩිදුරටත් සඳහන්.