අනුරාධපුර ජේතවනාරාම දාගැබට සිදුවන ජල කාන්දුව වැළැක්වීම සඳහා ජල මුද්‍රිත ආවරණයක් යෙදීමට තීරණය කර තිබේ.
දාගැබේ ගඩොල් අතර කුස්තුරවලින් එහි අභ්‍යන්තරයට සිදුවන ජල කාන්දුව වැළැක්වීමට ස්ථීර පිළියමක් ලෙස විශේෂයින් ඒ පිළිබඳ යෝජනා ඉදිරිපත් කළ බවයි මධ්‍යම සංස්කෘතික අරමුදලේ අධ්‍යක්ෂ ජෙනරාල් මහාචාර්ය ගාමිණි රණසිංහ පැවසුවේ.
එහි පෞරාණික පෙනුමට බාධාවක් නොවන පරිදි හතරැස් කොටුවට ඉහළින් එම ආවරණය යොදන අතර ඔහු පැවසුවේ දාගැබේ ගර්භයේ පසුගිය කාලයේ ඇතිවූ පැලුම් මේ වනවිට පිළිසකර කරමින් ඇති බවයි.