ශ්‍රී ලංකාවේ සංචාරයක් සදහා මහනුවරට පැමිණ අතුරුදන් වූ 38 හැවිරිදි ඩෙන්මාර්ක් ජාතික කාන්තාවගේ මළ සිරුර හමු වී තිබේ.
පොලීසිය පැවසුවේ අලගල්ල ගල මුදුනේ ලිස්සන ගල පාමුලදී ඇගේ සිරුර හමුවූ බවයි.
මෙම කාන්තාව පසුගිය 09 වැනිදා මහනුවර අම්පිටිය ප්‍රදේශයේ ලැගුම්හලක් වෙත පැමිණ නවාතැන් ගෙන ඇති අතර ඊට පසුදා ඇය යළි පැමිණෙන බව පවසමින් ලැගුම්හලෙන් පිටව ගොස් ඇතත් ඊයේ (13) වනතුරුත් නොපැමිණීම හේතුවෙන් ලැගුම්හලේ හිමිකරු මහනුවර පොලීසිය වෙත මේ සම්බන්ධයෙන් පැමිණිල්ලක් ඉදිරිපත් කර තිබේ.
පොලීසිය සඳහන් කළේ කඩුගන්නාව ප්‍රදේශයේ කදු නැගීමට යන බව පවසමින් මෙම ඩෙන්මාර්ක් ජාතික කාන්තාව පිටව ගොස් ඇති අතර නිල සුනඛයන් ද යොදා ගනිමින් විශේෂ විමර්ශන කණ්ඩායමක් ඇය සෙවීම සඳහා යොදවා ඇති බවයි.
කෙසේනමුත් අද (14) අලගල්ල ගල මුදුනේ ලිස්සන ගල පාමුල තිබියදී ඇයගේ සිරුර පොලීසියට හමු වී තිබේ.