වයස අවුරුදු 11 ක් වන බාල වයස්කාර දැරිවියකට ලිංගික අතවර කළ බව කියන හිමි නමක්ව අඹන්පොල පොලීසියේ ළමා හා කාන්තා කාර්යංශය විසින් අත්අඩංගුවට ගෙන ඇත.
පොලීසිය විසින් අත්අඩංගුවට ගෙන ඇත්තේ මැචවච්චිය, වනමල්ගොල්ලෑව ප්‍රදේශයේ විහාරස්ථානයක වැඩ වාසය කරන අවුරුදු 59 ක් වන හිමිනමක්වය. මෙම අත්අඩංගුවට ගැනීම සිදු කර ඇත්තේ අඹන්පොල නගරයේදී බව පොලීසිය සදහන් කරයි.
අතවරයට පත්ව ඇති දැරිවිය ප්‍රදේශයේ පාසලක 07 වන වසර පන්තියේ ඉගෙණුම ලබමින් සිටී. එම දැරිවියව වෛද්‍ය පරීක්ෂණයක් සදහා නිකවැරටිය මූලික රෝහලට යොමු කිරීමට පොලීසිය කටයුතු කර ඇත.
අත්අඩංගුවට ගෙන ඇති සැකකාර හිමිනම මහව මහේස්ත්‍රාත් අධිකරණයට ඉදිරිපත් කිරීමට නියමිතය.