රන්න නැගෙනහිර, විරෝධාර මාවතේ පදිංචිව සිටි පුද්ගලයෙකුට අයත් මෝටර් රථයක් කිසියම් පිරිසක් විසින් ගිනිතබා ඇති බව වාර්තා වනවා.
අදාළ මෝටර් රථය නිවස ඉදිරිපිට නතර කර තිබිය දී ඊයේ (21) රාත්‍රියේ මෙලෙස ගිනි තබා ඇති බවයි අප වාර්තාකරු පැවසුවේ.
මෝටර් රථය ගිනි තැබීමට පැමිණි පිරිස වෙඩි තැබීමක් ද සිදුකර තිබෙනවා.
මෙම මෝටර් රථය හිමි පුද්ගලයා මෙරට තහනම්කර ඇති පිරමීඩ ජාවාරමක් හා සම්බන්ධව කටයුතු කළ අයෙක් බවටයි අනාවරණය වී ඇත්තේ.
සිද්ධිය සම්බන්ධයෙන් හුංගම පොලිසිය පරීක්ෂණ පවත්වනු ලබනවා.