වයස අවුරුදු දෙක හමාරක් පමණ වන දැරියකගේ මළ සිරුරක් කළුතර උතුර වෙරළ තීරයට ගොඩගසා තිබියදී හමුවී තිබෙනවා.
මෙලෙස හමුවී ඇති මළ සිරුරෙහි අනන්‍යතාව මෙතෙක් තහවුරු වී නොමැති බවයි පොලිසිය සඳහන් කළේ.
අද පස්වරුවේ කළුතර උතුර ප්‍රදේශයේ ධීවර කටයුතුවල යෙදී සිටී ධීවරයකු සිරුර දියමත පාවෙන ආකාරය දැක තිබුණ ද එය ටෙඩි බෙයා හෝ වෙනත් විශාල බෝනික්කෙකු යැයි සිතා ගොඩගෙන නොමැති බව අනාවරණ වී තිබෙනවා.
අනතුරුව එම සිරුර කළුතර උතුර නාගස්හන්දිය ප්‍රදේශයේ ගල්වැටිය ආසන්නයට ගොඩගසා තිබුණා.
මළ සිරුර සම්බන්ධයෙන් මහේස්ත්‍රාත් පරීක්ෂණය සිදුකිරීමට නියමිතයි.