අපරාධ පරික්ෂණ දෙපාර්තමේන්තුවේ නිලධාරියෙකු බව පවසමින් නිවසකට හොර රහසේ ඇතුළු වී සිටි කොස්තාපල්වරයෙකු හැටන් පොලිසිය
විසින් අත් අඩංගුවට ගෙන තිබෙනවා.
මෙම නිවසේ සිටින උසස් පෙළ හදාරන සිසුවියගේ පාසලටද ගොස් ඇති මෙම කොස්තාපල්වරයා ඇයට නුවරඑළිය විශේෂ විමර්ශන අංශයට පැමිණි ලෙසට දුරකථන පණිවිඩයක් ද ලබා දී තිබෙනවා.
පසුව දුරකථන ඇමතුම් රාශියක් ඇයට ලබා දී තමා නිවසට හොර රහසේ පැමිණෙන ලෙසටත් ඒ සම්බන්ධව කිසිවකුට නොපවසන ලෙසටත් සිසුවිය වෙත පවසා තිබෙනවා.
පසුව සිසුවිය විසින් ඇයගේ මව දැනුවත් කර ඇති අතර ඇය විසින් හැටන් පොලිසියේ නිලධාරින් දැනුවත් කිරීමෙන් අනතුරුව පොලිස් කොස්තාපල්වරයා නිවසට පැමිණි පසු අත්අඩංගුවට ගත් බව අප කළ විමසීමක දී පොලිසිය පැවසුවා.
අත්අඩංගුවට ගත් පොලිස් කොස්තාපල්වරයා දිඹුලපතන පොලිසියට අනුයුක්තව රාජකාරි කරන අයකු බව විමර්ශන වලදී හෙළිවී ඇත.