තලවිල දේවස්ථාන භූමියේ බැතිමතුන් අතර සැක කටයුතු ලෙස සැරිසැරූ මන්නාරම සිලාවතුර ප්‍රදේශයේ සැකකරුවන් 05 දෙනෙකු කල්පිටිය පොලිසිය විසින් ඊයේ (01) රාත්‍රියේ අත්අඩංගුවට ගෙන තිබේ.
මෙසේ අත්අඩංගුවට ගෙන ඇත්තේ මන්නාරම සිලාවතුර ප්‍රදේශයෙ පදිංචි අවුරුදු 22, 23 හා 24 වයස් සීමාවල පසුවන තරුණයින් පිරිසක් බව පොලිසිය පවසයි.
මෙම සැකකරුවන් තලවිල දේවස්ථානයේ අගෝස්තු මංගල්‍යයට පැමිණ සිටින දේවස්ථාන භූමියේ කූඩාරම් ගසාගෙන රැඳී සිටින විසි දහසකට ආසන්න පිරිස අතර සැකකටයුතු ආකාරයෙන් සැරිසරමින් සිටියදී අත්අඩංගුවට ගත් බව පොලිසිය පවසයි. අත්අඩංගුවට ගත් සැකකරුන් පස් දෙනාම මුස්ලිම් ජාතිකයින් වන අතර මොවුන් කුමන හේතුවක් මත දේවස්ථාන භූමියට පැමිණියාද යන්න ප්‍රශ්න කරමින් ඇති බව පොලිසිය කියයි.
අත්අඩංගුවට ගැනුන සැකකරුවන් ප්‍රශ්න කිරීමෙන් පසු පුත්තලම අධිකරණයට ඉදිරිපත් කිරීමට නියමිතය.