බුඩාපෙස්ට් හි පැවැත්වෙන ලෝක මලල ක්‍රීඩා ශූරතාවලියෙන් ශ්‍රී ලංකා කෙටි දුර ධාවන ශූර යුපුන් අබේකෝන් ඉවත් වීමට තීරණය කර තිබෙනවා.
නිවේදනයක් නිකුත් කරමිනුයි ඔහු මේ බව ප්‍රකාශ කර ඇත්තේ.
ඔහු නිවේදනය කළේ ආබාධ තත්ත්වයකින් සුවය ලබමින් සිටින තමන් මේවන විට මානසිකව මෙන්ම ශාරීරිකව ද දැඩි පීඩාවකින් පසුවන බවයි.
ලෝක ශූරතා මලල ක්‍රීඩා තරගාවලියෙන් ඉවත් වුව ද ඉදිරියේ පැවැත්වෙන ආසියානු මලල ක්‍රීඩා ශූරතාවලිය පිළිබඳ තමා දැඩි අරමුණකින් පසුවන බවයි යුපුන් අබේකෝන් ප්‍රකාශකර ඇත්තේ.
