පසුගිය වරේ ජීවිතක්ෂයට පත් වූ නැදුන්ගමුවේ රාජා හස්තියාගේ චර්මය වසරකුත් මාස හතරක් තිස්සේ වනජීවී සංරක්ෂණ දෙපාර්තමේන්තු අධිශිතකරණයක තැන්පත් කර තැබීමට සිදුව ඇත.
සංරක්ෂණය කිරීම සඳහා සුදුසු ස්ථානයක් සොයා ගැනීමට නොහැකි වීම හේතුවෙන් මෙම තත්ත්වය උද්ගතව ඇති බවයි වනජීවි සංරක්ෂණ දෙපාර්තමේන්තුව පෑසුවේ.
පසුගිය වසරේ මාර්තු මස 7 වැනිදා ජීවිතක්ෂයට පත් වූ නැදුන්ගමුවේ රාජා හස්තියාගේ දේහයෙන් මාර්තු මස 16 වැනිදා චර්මය ඉවත් කරනු ලැබුවේ මහනුවර ඓතිහාසික ඇසළ පෙරහර මංගල්‍යයේ කරඬුව වැඩම කරවීමට දායක වූ මෙම හස්තියාගේ සිරුර සංරක්ෂණය කිරීමට තීරණය කිරීමෙන් පසුවයි.
හස්තියාගේ සංරක්ෂණ කටයුතු සඳහා දළදා මාළිගාවෙන් රුපියල් තුන් ලක්ෂ හැත්තෑ පන් දහසක පමණ මුදලක් සහ කෞතුකාගාර දෙපාර්තමේන්තුව රුපියල් තුන් ලක්ෂයකට ආසන්න මුදලක් ද මේ වන විට වැය කර ඇත. ඊට අමතරව දෙපාර්තමේන්තු වියදම් සඳහා තවත් රුපියල් දොළොස් ලක්ෂයකට ආසන්න මුදලක් දළදා මාලිගාවෙන් ලබා දී තිබේ.
කෙසේනමුත් මෙම සංරක්ෂණ කටයුති සිදු කිරීමට ඇති ප්‍රමාදය නිසා හස්ති චර්මයේ ගුණාත්මකභාවය කෙරෙහි ද අවදානමක් පවතින බවයි කෞතුකාගාර දෙපාර්තමේන්තුවේ අධ්‍යක්ෂ ජනරාල් තනූජා සමරසිංහ පැවසුවේ.