නාමල් රාජපක්ෂගේ විදුලි බිල අයකර ගැනීමට වඩා එතැන ඇත්තේ රාජපක්ෂවරුන්ට මඩ ගැසීමේ පරමාර්ථයක් බව ශ්‍රී ලංකා පොදුජන පෙරමුණේ මහ ලේකම් සාගර කාරියවසම් පැවසීය.
හෙතෙම මේ බව කියා සිටියේ අද (07) පැවති මාධ්‍ය හමුවකදීය.
නාමල් රාජපක්‍ෂට සමාජයේ කතාබහ වන ආකාරයේ විදුලි බිලක් ලැබී නොමැති බවත්
එම විදුලි බිල්පත හිඟන්නාගේ තුවාලය මෙන් පාර පාර සිටීම පිටුපස සැගවූ කරුණක් ඇති බවත් මන්ත්‍රීවරයා අවධාරණය කළේය.
විදුලිබල මණ්ඩලයෙන් ලිපියට පිළිතුරු ලද වහාම නීතිය ක්‍රියාත්මක කිරීමට බලාපොරොත්තු වන බව පැවසූ මන්ත්‍රීවරයා වැඩිදුරටත් සඳහන් කළේ මේ සම්බන්ධයෙන් ගෙවීමක් කිරීමට තිබේ නම් එය ඉදිරිපත් කරන ලෙස විදුලිබල මණ්ඩලයෙන් නාමල් රාජපක්‍ෂ දිගින් දිගටම ඉල්ලා ඇතත් මේ වන තෙක් නිකුත් කර නොමැති බවයි.