මේ දිනවල පවතින දැඩි නියඟය හේතුවෙන් විල්පත්තුව ජාතික වනෝද්‍යානයේ ජීවත් වන සතුන්ගේ ජල අවශ්‍යතාවට මරු පහරක් එල්ල වී ඇති බව විල්පත්තුව ජාතික වන උද්‍යානයේ භාරකාර සුරංග රත්නායක පවසයි.
විල්පත්තුව ජාතික වන උද්‍යානය තුළ විල් සහ තටාක ප්‍රමාණය 106 කට ආසන්න ප්‍රමාණයක් ඇති නමුත් අධික උෂ්ණා කාලගුණය හේතුවෙන් ඒවා සියල්ලම පාහේ සිඳී ගොස් ඇති බවයි වාර්තා වන්නේ.
මේ හේතුවෙන් විල්පත්තුව වනෝද්‍යානයේ සතුන් මහත් දුෂ්කරතාවයකට මුහුණ පා තිබේ.