රෝගාතුර වූ අග්බෝ නම් ඇතාට ප්‍රතිකාර කිරීම සඳහා වෛද්‍යවරුන් පිරිසක් විදේශ රටක සිට පැමිණීමට නියමිතය.
අනුරාධපුර වනජීවී කලාපයේ පශු වෛද්‍ය චන්දන ජයසිංහ පැවසුවේ වෙඩි වැදීමෙන් තුවාල ලබා මාස 3ක පමණ කාලයක සිට අග්බෝ හස්තියා අසාධ්‍ය තත්ත්වයෙන් පසුවන බවයි.
අලියාට මෙතෙක් ලබාදුන් ප්‍රතිකාර සාර්ථක නොවීම හේතුවෙන් වැඩිදුර ප්‍රතිකාර සඳහා විදේශීය වෛද්‍යවරුන්ගේ ප්‍රතිකාර මත විශ්වාසය තැබීමට වනජීවී සංරක්ෂණ දෙපාර්තමේන්තුව තීරණය කර ඇති බව ඔහු සඳහන් කළේය.