රිදියගම සෆාරි උද්‍යානයේ අලුත උපන් සිංහ පැටවුන් දෙදෙනෙක් අද (10) සිට මහජන ප්‍රදර්ශනයට තබන බව රිදියගම සත්වෝද්‍යානයේ භාරකරු සහකාර අධ්‍යක්ෂක හේමන්ත සමරසේකර පවසයි.
‘සිනා’ නැමති සිංහ ධේනුව විසින් මෙම පැටවුන් දෙදෙනා බිහි කර ඇති අතර අදට (10) යෙදෙන ලෝක සිංහයන්ගේ දිනය නිමිත්තෙන් මෙම පැටවුන් දෙදෙනා දවසේ සීමිත කාලයක් මහජන ප්‍රදර්ශනයට තබන බවයි ඒ මහතා කියා සිටියේ.
මෙම සිංහ පැටවුන් දෙදෙනා හට මේ වනතෙක් නම් තැබීමක් කර නොමැති අතර එම සිංහ පැටවුන් හට නම් තැබීමට රිදියගම සෆාරි උද්‍යානයේ ෆේස්බුක් පිටුව මගින් ළමයින්ට අවස්ථාව සලසා දී තිබෙන බවත් හොඳම නම් යෝජනා කරන කීපදෙනෙකුට ත්‍යාග ලබාදීමට කටයුතු කරන බවද රිදියගම සත්වෝද්‍යානයේ භාරකරු සහකාර අධ්‍යක්ෂක හේමන්ත සමරසේකර පැවසීය.