සුඛෝපභෝගී වාහන රැසක් ව්‍යාජ ලිපිලේඛන සකසා මෙරට ලියාපදිංචි කිරීමේ මහා පරිමාණ ජාවාරමක් අනාවරණ වී තිබේ.
ජාවාරම මෙහෙයවූ මෝටර් රථ ප්‍රවාහන කොමසාරිස් දෙපාර්තමේන්තුවේ ලේඛනාගාරයේ නිලධාරියෙකු සහ තවත් පුද්ගලයෙකු පානදුර වලාන මධ්‍යම දූෂණ මර්දන ප්‍රහාරක බලකාය මගින් ඊයේ (10) අත්අඩංගුවට ගෙන තිබෙනවා.
මේ වනවිටත් සුඛෝපභෝගී වාහන 423 ක් පිළිබඳව තොරතුරු හෙළිකරගෙන ඇති බවයි වළාන දූෂණ මර්දන ඒකකයේ නිලධාරියෙකු සඳහන් කළේ.
සුඛෝපභෝගී මෝටර් රථයක ලියාපදිංචිය සම්බන්ධයෙන් සිදුකළ විමර්ශනයකදී මෙම මහා පරිමාණ ජාවාරම සම්බන්ධයෙන් තොරතුරු අනාවරණ වූ බවයි පොලිසිය පවසන්නේ.