මේ දිනවල පවතින අධික වියළි කාලගුණය හේතුවෙන් ජල සැපයුමට බාධා එල්ල විය හැකි බව ජල සම්පාදන හා ජලාපවහන මණ්ඩලය පවසයි.
මේ හේතුවෙන් අත්‍යාවශ්‍ය හා සනීපාරක්ෂක කටයුතු සඳහා පමණක් ජලය භාවිත කරන ලෙසයි ඔවුන් ජනතාවගෙන් ඉල්ලා සිටින්නේ.
එමෙන්ම උෂ්ණාධික කාලගුණය හේතුවෙන් ජලාශවල ජල මට්ටම් සීඝ්‍රයෙන් පහළ බසිමින් පවතින බවත් ජනතාවගේ ජල පරිභෝජනය ඉතා ඉහළ මට්ටමක පවතින බවත් ඔවුන් නිවේදනයක් නිකුත් කරමින් පවසයි.
වියළි කාලගුණ තත්ත්වය හේතුවෙන් ජනතාවට මුහුණදීමට සිදුව තිබෙන දුෂ්කරතා පිළිබඳව ජාතික ජල සම්පාදන හා ජලාපවහන මණ්ඩලය කනගාටුව ප්‍රකාශ කරන බවත් මේ මොහොතේ ජලය හැකිතාක් අරපිරිමැස්මෙන් භාවිත කරන ලෙසත් එම මණ්ඩලය පාරිභෝගිකයින්ගෙන් ඉල්ලා සිටී.