වන සතුන්ගේ පානීය ජල අවශ්‍යතාවය සපුරාලීම සඳහා බවුසර් මගින් ජලය රැගෙන ගොස් යාල වනෝද්‍යානයේ කුඩා දිය කඩිතිවලට පිරවීම මේ දිනවල සිදු කරන බව වනජීවී නිළධාරීන් පවසති.
මේ දිනවල පවතින දැඩි වියළි කාලගුණය යාල ජාතික වනෝද්‍යානයටද දැඩි බලපෑම් එල්ල කර තිබේ.
යාල ජාතික උද්‍යානය හරහා ගලා බසින මැණික් ගඟෙන් තිබෙන ජලය ලබාගෙන බවුසර් මගින් උද්‍යානයට ගෙන ගොස් වන සතුන්ට ජලය ලබා ගැනීමට හැකි ස්ථානවලට ගොස් ජලය මුදා හැරීම සිදුකරනු ලබන අතර සූර්ය බල විදුලි උත්පාදක මගින්ද ජලය පොම්ප කිරීම සිදුකර උද්‍යානය තුළ සිඳී ගිය වැව්වලට ජලය සැපයීම සිදුකරන බවයි එහි නිලධාරියෙක් සඳහන් කළේ.