ඇල්ල ප්‍රදේශයේ සංචාරය සඳහා පැමිණෙන දෙස්විදෙස් සංචාරකයින්ට බඹර ප්‍රහාරවලින් වැළකීම සඳහා ආරක්ෂිත කුටියක් ඇල්ල ප්‍රාදේශීය ලේකම් කාර්යාලයේ මූලිකත්වයෙන් ස්ථාපිත කර තිබේ.
පසුගිය දිනවල සංචාරකයින් වැඩි වශයෙන් මෙම ප්‍රදේශයේදී බඹර ප්‍රහාරවලට ලක්වීම සැලකිල්ලට ගනිමින් ඔවුන් මෙම පියවර ගෙන ඇත.
ආරුක්කු පාලම ආශ්‍රිතව විශාල බඹර වද ප්‍රමාණයක් පවතින අතර සංචාරකයින්ගේ පැමිණීමත් සමඟ ඇති වන ඝෝෂාකාරී ශබ්දවල බලපෑමෙන් පසුගිය මාස කිහිපයේම සංචාරකයින් බඹර ප්‍රහාරවලට ලක්විය.