පසුගිය කාලයේ සීඝ්‍රයෙන් ඉහළ ගිය මාලු මිල මේ වනවිට විශාල ලෙස පහළ බැස ඇති බව ධීවර සංස්ථාවේ සභාපති ඩී.බී.උපුල් පැවසීය.
සභාපතිවරයා මේ බව කියා සිටියේ අද (16) ධීවර අමාත්‍යංශයේ පැවති මාධ්‍ය හමුවකදීය.
එහිදී වැඩිදුරටත් අදහස් දක්වමින් සභාපතිවරයා කියා සිටියේ අද දිනයේදී ලින්නෝ කිලෝවක් රුපියල් 400 – 500ක්, කෙළවල්ලා කිලෝවක් රුපියල් 1100ක් දක්වාද, දැල්ලන් කිලෝවක් රුපියල් 700 දක්වාද, බලයා කිලෝවක් රුපියල් 700 දක්වාද මිල අඩු වී ඇති බවයි.