රේගුවේ රඳවාගෙන තිබූ පොදු වාහන කාණ්ඩයට අයත් වාහන නිදහස් කර ගැනීම සඳහා අවසර හිමිව ඇති බව මුදල් රාජ්‍ය අමාත්‍ය රංජිත් සියඹලාපිටිය පවසයි.
අමාත්‍යවරයා වැඩිදුරටත් සඳහන් කළේ මෙම අවසරය හිමිව ඇත්තේ ආනයනය තහනම් කාලයේ ආනයනය කොට රේගුවේ රඳවා තබා තිබෙන වාහනවලට පමණක් බවයි.
රේගුවේ මෙතෙක් රඳවා තිබෙන රේගු ප්‍රකාශන ලබා දී නොමැති වාහන, ආනයන අපනයන පාලක ජනරාල් වෙත කරුණු දැක්වීමෙන් අනතුරුව තොටුපළ තෙක් වටිනාකම (CIF Value) මත අයකෙරෙන 30%ක බද්දක් ගෙවා මුදා ගත හැකි බවයි අමාත්‍යවරයා සඳහන් කළේ.