පැලෝපීය නාලයක් පුපුරා යාමෙන් කාන්තාවක් මිය යාමේ සිද්ධියක් යාපනයෙන් වාර්තා වනවා.
යාපනයේ, පුලෝලි ප්‍රදේශයේ පාසලක උගන්වමින් සිටි 30 හැවිරිදි ගුරුවරියකයි මෙලෙස ජීවිතක්ෂයට පත්ව ඇත්තේ.
හදිසියේ ඇති වූ උදරාබාධයකින් පෙළුණු ඇය ප්‍රතිකාර සඳහා පේදුරුතුඩුව ප්‍රාදේශීය රෝහලට ඇතුළත් කර ඇත.
කෙසේ වෙතත් ඒ වනවිටත් ඇය ජීවිතක්ෂයට පත්ව ඇති බවයි රෝහල් ආරංචිමාර්ග තහවුරු කර ඇත්තේ.
ඇයගේ මළ සිරුර පිළිබඳ පශ්චාත් මරණ පරීක්ෂණයේදී අනාවරණය වී ඇත්තේ පැලෝපීය නාලය තුළ කළලය සිරවීම නිසා පැලෝපීය නාලය පුපුරා යාමෙන් මෙම මරණය සිදුව ඇති බවයි.