අමෙරිකාවේ සයිබර් අවකාශ සහ ඩිජිටල් ප්‍රතිපත්ති තානාපති නතානියල් සී ෆික් මේ මස 20 වැනිදා ශ්‍රී ලංකාවේ සංචාරයක නිරත වීමට නියමිත බව අමෙරිකානු රාජ්‍ය දෙපාර්තමේන්තුව පවසයි.
ඒ අනුව තානාපතිවරයා ලබන 20 වැනිදා සිට 23වැනිදා දක්වා මෙරට සංචාරය කිරීමට නියමිත බව තහවුරු කර තිබේ.
ඔහුගේ ශ්‍රී ලංකා සංචාරය තුළදී රජයේ සහ පෞද්ගලික අංශයේ නියෝජිතයින් සමග සයිබර් ආරක්ෂාව සම්බන්ධයෙන් තොරතුරු හුවමාරු කරගැනීමට නියමිතය.
අගෝස්තු 23 වන දින දක්වා මෙරට රැඳී සිටින ඔහු තොරතුරු සහ සන්නිවේදන ආරක්ෂණය, සයිබර් ආරක්ෂාව සහ ඩිජිටල් නිදහස පිළිබඳ දේශන කිහිපයක් ද පැවැත්වීමට සැලසුම් කර ඇත.