පෞද්ගලික ඔසුසැලකින් ලබාගත් ඖෂධයක් පානය කිරීමෙන් පසු කාන්තාවක් මියයාමේ සිද්ධිය සම්බන්ධයෙන් විමර්ශන ආරම්භ කර ඇති බව පොලිසිය පවසයි.
මෙලෙස ජීවිතක්ෂයට පත්ව ඇත්තේ ඉංගිරිය, ඌරුගල ප්රදේශයේ පදිංචි 62 හැවිරිදි කාන්තාවක් වන අතර පොලීසිය සඳහන් කළේ ඇය දියවැඩියාව, කොලොස්ටරෝල් හා වකුගඩු රෝග සඳහා ඖෂධ භාවිත කරන කාන්තාවක් බවයි.
ජූලි 31 වැනිදා පෞද්ගලික ඔසුසැලකින් ලබාගත් එම ඖෂධය පසුගිය 10 වැනිදා දක්වා ඇය ලබාගෙන ඇති අතර ඉන් අනතුරුව ඇතිවූ සංකූලතා හේතුවෙන් ඇය ඉංගිරිය රෝහලට ඇතුළත් කර තිබේ.
වැඩිදුර ප්රතිකාර සඳහා හොරණ මූලික රෝහලට මාරුකර යැවූ මෙම කාන්තාව ඊයේ (20) ජීවිතක්ශයට පත්ව ඇති බවයි පොලීසිය සඳහන් කළේ.