බඹර ප්‍රහාරයට ලක් වූ පුද්ගලයින් සිව්දෙනෙක් ඉන් බේරීමට දිවයාමේදී එක් පුද්ගලයෙක් ගලකින් පහළට ඇදවැටී මියගොස් ඇති බව පොලීසිය පවසයි.
මෙලෙස ජීවිතක්ෂයට පත්ව ඇත්තේ නුවරඑළිය, බඹරකැලේවත්ත ප්‍රදේශයේ පදිංචිව සිටි 16 හැවිරිදි සිසුවෙක් බවයි වාර්තා වන්නේ.
ඊයේ (20) දවස් කාලයේ නුවරඑළිය, බඹරකැලේවත්ත ප්‍රදේශයේ කැලෑවක දී මොවුන් සිව්දෙනා මෙම බඹර ප්‍රහාරයට ලක්ව ඇති අතර ඉන් බේරීම සඳහා දිවයාමේදී මෙම සිසුවා ගලකින් පහළට ඇදවැටී තිබේ.
පසුව නුවරඑළිය නගර සභාවේ ගිනි නිවීමේ නිලධාරීන් සහ ප්‍රදේශවාසීන් විසින් බඹර ප්‍රහාරයට ලක්ව ඇදවැටී සිටි සිසුවා රෝහල්ගත කිරීමට කටයුතු කර තිබෙනවා.
එලෙස රෝහල් ගතකළ සිසුවා ජීවිතක්ෂයට පත්ව ඇති අතර පශ්චාත් මරණ පරීක්ෂණය අද (21) සිදුකිරීමට නියමිතය.