දෙහිවල ඕබන් පෙදෙස ක්‍රීඩාංගණය ආසන්නයේදී පුද්ගලයෙකුට වෙඩි තැබීමේ සිද්ධියට සම්බන්ධ සැකකරුවෙකු පොලිස් අත්අඩංගුවට ගෙන තිබෙනවා.
පසුගිය 19 වනදා යතුරුපැදියකින් පැමිණි දෙදෙනෙකුයි වෙඩි තැබීම සිදු කර පළා ගොස් තිබුණේ.
එහිදී ක්‍රීඩාංගණය අසල සිටි පුද්ගලයෙකු තුවාල ලබා රෝහල් ගත කළ අතර සිද්ධියට අදාළ සැකකරුවන් සොයා පොලිසිය පරීක්ෂණ ආරම්භ කරනු ලැබුවා.
ඒ අනුව ඊයේ 26 දෙහිවල පොලිස් වසමේ සුමුදු මාවත ප්‍රදේශයේදී සිදු කළ සෝදිසි මෙහෙයුමකදී අදාළ අපරාධයට පැමිණි යතුරුපැදිය පැදවූ පුද්ගලයා අත්අඩංගුවට ගෙන තිබෙනවා.
සැකකරු සම්බන්ධයෙන් සිදු කළ පරීක්ෂා කිරීමේදී ඔහුගේ ගමන් බෑගයේ සගවාගෙන සිටි ජීව අත්බෝම්බයක් ද හමුවී ඇති බවයි පොලිසිය සඳහන් කළේ.
33 හැවිරිදි සැකකරු ගල්කිස්ස බඩෝවිට ප්‍රදේශයේ පදිංචිකරුවෙක්. ඔහු අද ගල්කිස්ස මහේස්ත්‍රාත් අධිකරණයට ඉදිරිපත් කිරීමට නියමිතයි.