රට බංකොලොත් කළ පුද්ගලයන්ම රට හදනවා යැයි කීම විහිළුවක් බව විපක්ෂ නායක සජිත් ප්‍රේමදාස පැවසීය.
අද (30) විපක්ෂ නායක කාර්යාලයේදී අස්වැසුම වැඩසටහන නිසා අපහසුතාවට පත් ග්‍රාමනිලධාරීන් සමඟ සිදු කළ සාකච්ඡාවකදීයි විපක්ෂ නායකවරයා මේ බව කියා සිටියේ.
එහිදී වැඩිදුරටත් අදහස් දක්වමින් සජිත් ප්‍රේමදාස කියා සිටියේ සම්පූර්ණයෙන්ම අවුල් වියවුල් වූ ආණ්ඩුවට අස්වැසුම වැඩසටහනට හරි වැඩපිළිවෙළක් නොමැති බවත් ඔවුන්ගේ ඉලක්කය ඊළඟ මැතිවරණය බවත්ය.
බොරුව වංචාව හොර ගණුදෙනු ඇතුළත් ආණ්ඩුවේ දේශපාලන සූදුව නතර නොවී බංකොලොත්භාවයෙන් රට ගොඩ ඒමට නොහැකි බවත් විපක්ෂ නායකවරයා එහිදී සඳහන් කළේය.