නියඟය හේතුවෙන් විනාශයට පත්වූ වගාවන් සඳහා වන්දි ලබාදිය හැක්කේ බෝග 06ක් සඳහා පමණක් බව කෘෂිකර්ම අමාත්‍ය මහින්ද අමරවීර පැවසීය.
ඊයේ (29) අමාත්‍යංශයේ පැවති මාධ්‍ය හමුවකට එක්වෙමින් අමාත්‍යවරයා පෙන්වා දුන්නේ වී, බඩඉරිඟු, මිරිස්, අර්තාපල්, ලොකු ලූනු සහ සෝයා බෝංචි යන වගාවන් සඳහා පමණක් වන්දි ලබාදෙන බවයි.
එමෙන්ම සෙසු වගා වගා හානි සඳහා සහනයක් සැලසීමට හැකියාවක් ඇත්නම් ඒ පිළිබඳව කටයුතු කිරීමට සූදානම් බවයි අමාත්‍යවරයා වැඩිදුරටත් කියා සිටියේ.