යාපනය ඩෙල්ෆ් ප්‍රදේශයේ පාසල් සිසුවෙකු කේරළ ගංජා හා මාවා මත්ද්‍රව්‍ය සමඟ පසුගිය(29) අත්අඩංගුවට ගෙන තිබෙනවා.
අ.පො.ස සාමාන්‍ය පෙළ පන්තියේ ඉගෙනුම ලබන මෙම සිසුවා පිළිබදව පොලිසියට තොරතුරු ලැබීමෙන් පසුව එම ශිෂ්‍යයා ඩෙෆ්ට් ප්‍රදේශයේ සිට යාපනයට පැමිණි අවස්ථාවේ දී පොලිසිය ඔහුව පරික්ෂා කොට ඇති බවයි වාර්තා වන්නේ.
සිසුවාගේ කලිසම් සාක්කුවේ තිබි එම මත්ද්‍රව්‍ය හමු වී ඇති අතර පොලිසිය ඒ සම්බන්ධයෙන් සිදු කළ පරීක්ෂණවල දී හෙළි වී ඇත්තේ මෙම සිසුවා මත්ද්‍රව්‍ය අලෙවි කරන පිරිසක් සමඟ එකතු වී පාසල් නිල ඇදුමින්ම මත්ද්‍රව්‍ය අලෙවි කරන බවයි.
පොලිසිය වැඩිදුරටත් පැවසුවේ, මෙම සිසුවා යාපනය අධිකරණය වෙත ඉදිරිපත් කිරීමට නියමිත බවයි.