නෙදර්ලන්ත රජය විසින් නැවත ලබාදීමට එකඟතාව පළකළ පුරාවස්තු මෙරටට රැගෙන පැමිණි පසු ඒවා තැන්පත් කරන ස්ථානයට විශේෂ ආරක්ෂාවක් ලබාදෙන බව ජාතික කෞතුකාගාර දෙපාර්තමේන්තුව පවසයි.
ඒ අනුව එම කෞතුක භාණ්ඩ තිබෙන ස්ථානයට විශේෂ පොලිස් ආරක්ෂාවක් යෙදවීමටත් ආරක්ෂක කැමරා සවිකිරීමටත් මේ වන විට තීරණය කර තිබේ.
ලන්දේසීන් විසින් මෙරටින් රැගෙන ගිය රනින් හා රිදියෙන් නිම කරන ලද කොපුව සහිත කස්තානයක්, රනින් නිමකළ පිහියක්, මහ තුවක්කු දෙකක් සහ කාලතුවක්කුවක් මෙලෙස නැවත මෙරටට ලබාදීමට නියමිතය.