වරායේ අක්‍රමිකතා රැසක් හෙළිවෙයි

ශ්‍රී ලංකා වරාය අධිකාරියේ පරිපාලන දුර්වලතා සහ අක්‍රමිකතා රැසක් කෝප් කමිටුවේදී හෙළි වී තිබෙනවා.

වරාය අධිකාරියේ ආදායම් ඉහළ නැංවීම සම්බන්ධයෙන්, පිරිවැය කළමනාකරණය කිරීම සම්බන්ධයෙන් සහ කාර්යක්ෂමතාවය ඉහළ නැංවීම සම්බන්ධයෙන් මාස 3ක් ඇතුළත යෝජනාවලියක් කෝප් කමිටුවට ලබාදීමටයි නිර්දේශ වී ඇත්තේ.

ඒකාබද්ද අරමුදලට බැර කළ යුතු මුදල් 2016 වර්ෂයේ සිට 2021 වර්ෂය දක්වා නොගෙවීම පිළිබඳව ද ,මෙහිදී අවධානය යොමුවූ අතර නැගෙනහිර පර්යන්තයේ මෙහෙයුම් ධාරිතාව උපරිම කිරීමට විශාල ප්‍රමාණයේ දොඹකර 12ක් සහ ස්වයංක්‍රීය ගැන්ට්‍රි දොඹකර 40ක් මිලදීගැනීමට කොන්ත්‍රාත්කරු සමග එළඹි ඩොලර් මිලියන 282.56ක ගිවිසුම සංශෝධනය නොකිරීම සම්බන්ධයෙන් ද අවධානය යොමු වුණා.

කොළඹ වරායේ ශ්‍රී ලංකා වරාය අධිකාරිය මගින් බහාලුම් හැසිරවීමේ ධාරිතාවය 2001 වර්ෂයේ සිට 2022 වන විට 81% සිය 28% දක්වා අඩු වීම සම්බන්ධයෙන් ද අවධානය යොමු කෙරුණා.

2018 වසරේ සිට 2022 දක්වා කොළඹ, ගාල්ල සහ ත්‍රිකුණාමලය යන වරායන් වෙත නාවික යාත්‍රා පැමිණීම අඩු වීම පිළිබඳ සාකච්ඡා වී තිබෙනවා.