පූනානි ප්රදේශයේ පිහිටා ඇති මඩකලපුව විශ්වවිද්යාලය හෙවත් ෂරියා විශ්වවිද්යාලය නමින් හඳුන්වන දැනට යුද හමුදාව භාරයේ ඇති විද්යාලයේ පරිගණක යන්ත්ර 06ක් සහ සිවිලිං විදුලි පහන් 80ක් සොරකම්කර පළායමින් සිටි දෙදෙනෙකු වැලිකන්ද පොලිසිය මඟින් අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ යුද හමුදා කෝප්රල්වරයෙක් සහ ත්රීරෝද රථ රියදුරෙක් බවයි වාර්තා වුණේ.
සැකකාර හමුදා සෙබළා කුලියට ගත් ත්රීරෝද රථයකින් මෙම පරිගණක සහ විදුලි පහන් කඳුරුවෙල ප්රදේශයට ගෙන ගොස් එතැන් සිට බස් රථයකින් කොළඹට රැගෙන යාමට සැලසුම් කර ඇති බවයි විමර්ශන වලදී අනාවරණය වී ඇත්තේ.
අත්අඩංගුවට ගත් සැකකරුවන් සහ අදාළ නඩු භාණ්ඩ තොගය වැඩිදුර විමර්ශන කටයුතු සඳහා වැලිකන්ද පොලිස් ස්ථානය මඟින් වාලච්චේන පොලිසියට භාරදීමට නියමිතව තිබුණා.
සොරාගන්නා ලද භාණ්ඩ රැගෙන යමින් සිටිය දී වැලිකන්ද, කඩවත්මඩුව පොලිස් මාර්ග බාධකයේ දී සිදුකළ පරික්ෂා කිරීමේ දී ඒවා මෙලෙස සොයා ගැනීමට හැකි වූ බවයි පොලිසිය පැවසුවේ.