පෑලියගොඩ පොලිස්‌ වසමේ තොරණ හන්දිය ප්‍රදේශයේ ආයුර්වේද සම්භාහන මධ්‍යස්ථානයක්‌ මුවාවෙන්‌ පවත්වාගෙන ගිය ගණිකා නිවාසයක්‌ වටලා තිබේ.
එහිදී ගණිකා නිවාසයක්‌ කළමනාකරණය කිරීම සම්බන්ධයෙන්‌ සැකකාරියක්‌ හා කළමණාකරණයට සහාය වීම සම්බන්ධයෙන්‌ සැකකාරියක්‌ අත්අඩංගුවට ගත් බවයි පොලීසිය සඳහන් කළේ.
මෙලෙස අත්අඩංගුවට ගෙන ඇත්තේ අවුරුදු 23 හා 45 යන වයස්‌ වල පසුවන වැල්ලම්පිටිය හා නාරාහේන්පිට ප්‍රදේශවල පදිංචිකාරියන් දෙදෙනෙකි.
මෙම සැකකාරියන්‌ දෙදෙනා (12) අද අළුත්කඩේ මහේස්ත්‍රාත්‌ අධිකරණය වෙත ඉදිරිපත්‌ කිරීමට නියමිතය.