රිළවුන් වන්ධ්‍යකරණයට ලක් කිරීමේ වැඩපිළවෙළක් සකස් කිරීමට රජයට යෝජනාවක් ඉදිරිපත් කරන බව ක්‍රීඩා හා යෞවන කටයුතු රාජ්‍ය අමාත්‍ය රෝහණ දිසානායක පවසයි.
හෙතෙම මේ බව සඳහන් කළේ මාතලේ, ඕවිලිකන්ද – මකුලේමඩ ගොවි නියෝජිතයන් හමුවූ අවස්ථාවේදීයි.
දිනෙන් දින උග්‍ර වන රිළා උවදුරට පිළියමක් ලෙසයි ඔහු මෙම යෝජනාව සිදු කර ඇත්තේ.
එහිදී වැඩිදුරටත් අදහස් දක්වමින් රාජ්‍ය අමාත්‍යවරයා කියා සිටියේ රිළා උවදුර මේ වන විට ලංකාව පුරාම ත්‍රස්තවාදයක් බවට පත්ව ඇති බවත් නිවෙස්වල බත් මුට්ටි පවා උස්සාගෙන යන තත්ත්වයට පත්ව ඇති බවත්ය.