― political ―

මං රට භාරගත්තේ ආර්ථිකය අලුතින් ගොඩනැගීමටයි

තමා රට භාරගත්තේ රටේ ආර්ථිකය අලුතින් ගොඩනැගීමට බවත් එමගින් රටේ ගොවි ජනතාවගේ ජීවිත ද නව පරිවර්තනයකට ලක්වන බවත් ජනාධිපති රනිල් වික්‍රමසිංහ පවසනවා. ජනාධිපතිවරයා මේ බව...
HomeNewsහිරුණිකාගේ ඩිෆෙන්ඩර් නඩුව කල් යයි

හිරුණිකාගේ ඩිෆෙන්ඩර් නඩුව කල් යයි

2021 වසරේ දෙමටගොඩ ප්‍රදේශයේ වෙළඳසැලක සේවය කළ තරුණයකු ඩිෆෙන්ඩර් රථයකින් පැහැරගෙන ගොස් අයුතු ලෙස සිරකර පහරදීමේ සිද්ධිය සම්බන්ධයෙන් චෝදනා එල්ල වී සිටින හිටපු පාර්ලිමේන්තු මන්ත්‍රිනී හිරුණිකා ප්‍රේමචන්ද්‍රට එරෙහි නඩුවේ වැඩිදුර විභාගය ඔක්තෝම්බර් මස 4 වන දා කැඳවන ලෙස කොළඹ මහාධිකරණය නියෝග කර තිබෙනවා.

මෙම නඩුව අද කොළඹ මහාධිකරණ විනිසුරු අමල් රණරාජා ඉදිරියේයි විභාගයට ගනු ලැබුවේ.

එහිදී මෙම නඩුවේ පැමිණිල්ලේ සාක්ෂියක් වශයෙන් යොදාගත් වීඩියෝ දර්ශනවලට අදාළව ශ්‍රී ලංකා රූපවාහිනී සංස්ථාවේ නියෝජ්‍ය අධ්‍යක්ෂ (ප්‍රාදේශීය ප්‍රවෘත්ති) විමුක්ති කාරියවසම් සහ විමර්ශනවලට සහභාගී වූ කොළඹ අපරාධ කොට්ඨාශයේ පොලිස් පරීක්ෂක මහේෂ් රුවන් ගුරුසිංහ යන අයගේ සාක්ෂි සටහන් කර ගැනීම සිදුවුණා.

ඉන් අනතුරුව පැමිණිල්ල මෙහෙයවන නියෝජ්‍ය සොලිසිටර් ජෙනරාල් ජනක බණ්ඩාර අධිකරණයට දන්වා සිටියේ තවත් එක් සාක්ෂියක් මෙහෙය වීමෙන් පසුව තමා පැමිණිල්ලේ සාක්ෂි විමසීම අවසන් කිරීමට අපේක්ෂා කරන බවයි.

ඉන් අනතුරුව වැඩිදුර නඩු විභාගය ඔක්තෝබර් මස 4 වන දා දක්වා කල් තැබීමට විනිසුරුවරයා නියෝග කළා.

2015 වසරේ දෙසැම්බර් මස 21 වනදා දෙමටගොඩ ප්‍රදේශයේදී වෙළදසැලක සේවය කළ තරුණයෙකු ඩිෆෙන්ඩර් රථයකින් පැහැරගෙන ගොස් අයුතු ලෙස සිරකර තබා අඩන්තේට්ටම් සිදු කිරීම සම්බන්ධයෙන් හිරුණිකා ප්‍රේමචන්ද්‍රට එරෙහිව නීතිපතිවරයා විසින් මෙම නඩුව ගොනුකර තිබෙනවා.

මෙම නඩුවේ විත්තිකරුවන් වශයෙන් නම් කර සිටි හිරුණිකා ප්‍රේමචන්ද්‍රගේ ආධාරකරුවන් අට දෙනෙකු මීට පෙර අධිකරණය හමුවේ වරද පිළිගත් අතර ඔවුන්ට කොළඹ මහාධිකරණය විසින් අත් හිටවූ සිරදඬුවම් සහ දඩ මුදල් ද නියම කර තිබුණා.