ආබාධිත සහිත ප්රජාව සවිබල ගැන්වීම තුළින් රටේ නිෂ්පාදන ආර්ථිකය නඟාසිටුවීමට ඔවුන්ගේ දායකත්වය ලබා ගැනීමේ පුළුල් වැඩපිළිවෙළක් ක්රියාවට නංවන බව සමාජ සවිබල ගැන්වීම් රාජ්ය අමාත්ය අනුප පස්කුවල් මහතා පැවසීය.
මෙයට සමගාමීව රටේ සමස්ත ආබාධිත සහිත ප්රජාවගේ අයිතිවාසිකම් ආරක්ෂා කිරීම වෙනුවෙන් වූ නව පනත් කෙටුම්පතක් මෙම වසරේදී පාර්ලිමේන්තුවට ඉදිරිපත් කරන බවද රාජ්ය අමාත්යවරයා සඳහන් කළේය.
සමාජ සවිබල ගැන්වීම් රාජ්ය අමාත්ය අනුප පස්කුවල් මහතා මේ බව සඳහන් කර සිටියේ ‘ස්ථාවර රටකට සැවොම එක මඟකට’ මැයෙන් අද (19) ජනාධිපති මාධ්ය කේන්ද්රයේ පැවති ප්රවෘත්ති සාකච්ඡාවට එක්වෙමිනි.