බංග්ලාදේශයෙන් ගත් ණය මෙතරම් කෙටි කාලයකදී ගෙවා නිම කිරීමට ශ්‍රී ලංකාවට හැකි වනු ඇතැයි තමා නොසිතූ බව බංග්ලාදේශ අගමැතිනී ෂෙයික් හසීනා පැවසුවාය.
ඇය මේ බව ප්‍රකාශ කළේ නිව්යෝක් නුවරදී ජනාධිපති රනිල් වික්‍රමසිංහ හමු මූ අවස්ථාවේදීය.
එහිදී වැඩිදුරටත් අදහස් දැක්වූ බංග්ලාදේශ අගමැතිනිය කියා සිටියේ කෙටි කලකින් එම ණය ගෙවා නිම කිරීමෙන් පැහැදිලි වන්නේ ශ්‍රී ලංකාව ක්‍රමිකව ආර්ථික ප්‍රගතියක් උදාකරගෙන ඇති බවත් එම තත්ත්වය අඛණ්ඩව ඉදිරියට පවත්වාගෙන යාමෙන් ශ්‍රී ලංකාවට වඩා යහපත් තත්ත්වයක් උදාකරගත හැකි බවත්ය.