ජනාධිපති රනිල් වික්‍රමසිංහ සහ ජාත්‍යන්තර සංවර්ධනය සඳහා වූ එක්සත් ජනපද නියෝජිතායතනයේ (USAID) පරිපාලක සමන්තා පවර් අතර හමුවක් නිව්යෝර්ක් නුවරදී ඊයේ (19) සිදු විය.
එක්සත් ජාතීන්ගේ මහා මණ්ඩලයේ 78 වන සැසිවාරයට සහභාගී වීම සඳහා ජනාධිපති රනිල් වික්‍රමසිංහ ඇමරිකාවට ගොස් සිටින අතර එහිදීයි මෙම හමුව සිදුව ඇත්තේ.
ශ්‍රී ලංකාවේ ආර්ථිකය ප්‍රකෘතිමත් කිරීමේ ප්‍රයත්නය සඳහා ජාත්‍යන්තර සංවර්ධනය සඳහා වූ එක්සත් ජනපද නියෝජිතායතනයේ අඛණ්ඩ සහාය ලබාදෙන බවයි ඇය ජනාධිපතිවරයා හමුවේ පවසා තිබෙන්නේ.