පාස්කු ඉරුදින ප්‍රහාරයේ වගකීම තමන්ද භාරගන්නා බව විපක්ෂ නායක සජිත් ප්‍රේමදාස පැවසීය.
පාස්කු ප්‍රහාරය සම්බන්ධයෙන් වන පාර්ලිමේන්තු විවාදයේදී අද (22) දිනයේ අදහස් දක්වමිනුයි විපක්ෂ නායකවරයා මේ බව සඳහන් කළේ.
එමෙන්ම කුමන ආණ්ඩුවකට හෝ මෙම ප්‍රහාරයේ වගකීමෙන් මිදී අත සෝදාගැනීමට නොහැකි බවයි ඔහු වැඩිදුරටත් සඳහන් කර සිටියේ.
මේ අතර ප්‍රහාරය සම්බන්ධයෙන් විමර්ශන පැවැත් වූ අපරාධ පරීක්ෂණ දෙපාර්තමේන්තුවේ නිලධාරීන් 31 දෙනෙකු හිටපු ජනාධිපති ගෝඨාභය රාජපක්ෂගේ නියෝගයෙන් හදිසියේ මාරු කර යැවීමක් පිළිබඳව ද විපක්ෂ නායකවරයා අද අනාවරණයක් කළා.
එලෙස මාරු කර යැවූ අපරාධ පරීක්ෂණ නිලධාරීන්ගේ නම් ලැයිස්තුවක් ද ඉදිරිපත් කරමින එය සභාගත කිරීමට ද ඔහු කටයුතු කරණු ලැබුවා.
එමෙන්ම අපරාධ පරීක්ෂණ දෙපාර්තමේන්තුවේ නිලධාරීන් 700 දෙනකුට විදෙස් ගමන් තහනම් කිරීම බරපතළ සැකයට තුඩුදෙන කරුණක් බවත් වහාම ඒ සම්බන්ධයෙන් විමර්ශනයක් පවත්වන ලෙස ද රජයෙන් ඉල්ලීමක් කරන බව විපක්ෂ නායක සජිත් ප්‍රේමදාස පවසා සිටියා.