සිය දියණිය කෙළෙසා විදෙස් රටකට පළා යෑමට තැත්කළ පුද්ගලයෙක් කටුනායක ගුවන් තොටුපොළේ දී ආගමන විගමන නිලධාරීන් විසින් අත් අඩංගුවට ගෙන තිබෙනවා.
සැකකරු අද (23) උදෑසන කටුනායක ගුවන් තොටුපොළෙන්, ඩුබායි හරහා ඉතාලිය වෙත පළා යෑමට පැමිණි අවස්ථාවේ මෙලෙස අත්අඩංගුවට ගෙන තිබෙනවා.
මොහු ඉතාලියේ පදිංචිව සිටින අතර, කෙටි නිවාඩුවක් සඳහා පසුගිය ද මෙරටට පැමිණ තිබෙනවා.
එම අවස්ථාවවේ වෙන්නප්පුව, උදාසිරිගම ප්‍රදේශයේ ඔහුගේ බිරිඳ සමඟ ජීවත් වූ දියණිය සැකකරු විසින් දූෂණය කර ඇති බවයි අනවරණය වී ඇත්තේ.
එම සිද්ධියේ පසු සුජීව ප්‍රසන්න ප්‍රනාන්දු නැමැති 49 හැවිරිදි සැකකරු ප්‍රදේශයෙන් පළාගොස් තිබූ අතර, මේ සම්බන්ධයෙන් පොලිසිය ඊයේ (22) මාරවිල මහේස්ත්‍රාත් අධිකරණය දැනුම්වත් කිරීමට කටයුතු කර තිබුණා.
එහිදී අධිකරණය විසින් සැකකරුට එරෙහිව ගුවන් ගමන් තහනමක් පැනවීමට කටයුතු කළ බවයි වාර්තා වුණේ.
ඒ අනුවයි මෙම සැකකරු අද (23) උදෑසන රටින් පළා යෑමට ගුවන් තොටුපොළට පැමිණි අවස්ථාවේ දී අත්අඩංගුවට ගෙන ඇත්තේ.
සැකකරුට දැරියන් සිව්දෙනෙක් සහ එක් පිරිමි දරුවෙක් සිටින අතර, මෙලෙස දූෂණය කර ඇත්තේ 12 හැවිරිදි වියේ පසු වූ දියණිය බවයි වාර්තා වුණේ.