පාඨලී චම්පික රණවකට එරෙහි රිය අනතුරු නඩුව ලබන වසරේ මාර්තු 31 වැනිදා දක්වා කල් ගොස් තිබේ.
2016 වසරේ පෙබරවාරි මස 28 වැනිදා රාජගිරිය ප්‍රදේශයේදී තරුණයකු බරපතළ රිය අනතුරකට ලක් කිරීමේ සිද්ධියකට අදාළව හිටපු අමාත්‍ය පාඨලී චම්පික රණවක ඇතුළු විත්තිකරුවන් තුන්දෙනෙකුට එරෙහිව තිබූ නඩුවයි මෙලෙස කල් දමා ඇත්තේ.
එම නඩුව අද කොළඹ මහාධිකරණය හමුවේ කැඳවනු ලැබූ අතර නීතිපතිවරයා වෙනුවෙන් පෙනී සිටි රජයේ අධි නීතීඥවරයා මෙම නඩු විභාගය වළක්වමින් ඉහළ අධිකරණයෙන් නිකුත් කර ඇති අතුරු තහනම් නියෝගය ලබන වසරේ ජනවාරි 31 වනදා දක්වා දීර්ඝ කර ඇති බව අධිකරණයට කරුණු දක්වමින් පැවසීය.