මෙරට ඌරු මස් පරිභෝජනය අඩු වී ඇතැයි කෘෂිකර්ම අමාත්‍යාංශය පවසයි.
ඉන්දියාව ඇතුළු රටවල් කිහිපයක මේ දිනවල පැතිර යමින් තිබෙන නිපා වෛරසය මීට හේතු වී ඇති බවයි ඔවුන් පවසන්නේ.
මේ හේතුවෙන් ඌරු මස් නිෂ්පාදන කර්මාන්තකරුවන් ගැටලු රැසකට මුහුණපා සිටින බව ද කෘෂිකර්ම අමාත්‍යාංශයේ පශු සම්පත් සංවර්ධන අංශයේ නිලධාරීන් කෘෂිකර්ම අමාත්‍යවරයාට දැනුම් දී තිබේ.
එම වෛරසය ශ්‍රී ලංකාවට ඇතුළුවීමේ අවධානමක් නොමැති බවත්, එම නිසා ඌරු මස් පරිභෝජනයට බිය විය යුතු නැති බවත් ඔවුන් අවධාරණය කළේය.