පුස්සැල්ලාව හින්දු ජාතික පාසලේ පැවති උත්සවයක්‌ අවසන් වීමෙන්‌ පසු පාසලේ ඉගෙනුම ලබන පිරිමි දරුවෙකු විදුලි පංකාවක ගැටී තුවාල ලබා තිබේ.
ඔහු ගම්පොල රෝහලට ඇතුළත්‌ කර ප්‍රතිකාර ලබමින්‌ සිටියදී ජීවිතක්ෂයට පත්ව ඇති බවයි පොලීසිය සඳහන් කළේ.
මියගිය පිරිමි දරුවා වයස අවුරුදු 14 ක්වූ ඩෙල්ටා දකුණ කොටස, පුපුරැස්ස ප්‍රදේශයේ පදිංචි පාසල් සිසුවෙකි.
පොලිස් විමර්ශනවලදී අනාවරණය වී ඇත්තේ මියගිය පාසල් සිසුවා තවත් ළමුන්‌ කිහිපදෙනෙකු සමග සෙල්ලම්‌ කරමින්‌ සිටියදී පංති කාමරයේ පුටුවක්‌ ආධාරයෙන්‌ මේසයක්‌ මතට නැගීමේදී සිවිලිමේ සවිකර තිබූ විදුලි පංකාචක්‌ හිසේ ගැටී තුවාල වී ඇති බවයි.
මෘත ශරීරය ගම්පොල රෝහලේ මෘත ශරීරාගාරයේ තැන්පත්‌ කර ඇති අතර පශ්චාත්‌ මරණ පරික්ෂණය පැවැත්වීමට නියමිතයි.