මධ්‍යම කඳුකරයේ බටහිර බෑවුම් ප්‍රදේශවල පවතින වැසි තත්ත්වය සමග කාසල්රී හා මාඋස්සාකැලේ ජලාශවල ජල මට්ටම් පිටාර මට්ටමට ළඟා වෙමින් ඇති බව වාර්තා වෙයි.
පවතින වැසි හේතුවෙන් අද (09) උදෑසන වන විට කාසල්රී ජලාශයේ ජල මට්ටම පිටාර මට්ටමට අඩි 9යි අඟල් 3ක් ද, මාඋස්සාකැලේ ජලාශයේ ජල මට්ටම පිටාර මට්ටමට අඩි 10යි අඟල් 9ක් පහළින් පවතින බවයි එම ජලාශවල කාර්යභාර ඉංජිනේරුවරුවරයා සඳහන් කළේ.
මෙම ජලාශවල පවතින ජලය ජල විදුලිය නිපදවීම සඳහා ලක්ෂපාන, නව ලක්ෂපාන, විමලසුරේන්ද්‍ර, පොල්පිටිය, කැනියන් යන ජල විදුලිබලාගාර වෙත උපරිම ලෙස බෙදා හැරීමට පියවර ගන්නා බවයි ඔහු වැඩිදුරටත් සඳහන් කළේ.