පවතින තත්ත්වය නිසා ඊශ්‍රායලයට ශ්‍රමිකයින් පිටත්කර හැරීම තාවකාලිකව නතර කර ඇති බව කම්කරු හා විදේශ රැකියා අමාත්‍ය මනුෂ නානායක්කාර පවසයි.
අමාත්‍යවරයා මේ බව සඳහන් කළේ අද (11) කොළඹදී පැවති වැඩසටහනකට එක්වෙමිනි.
එහිදී වැඩිදුරටත් අදහස් දක්වමින් අමාත්‍යවරයා සඳහන් කළේ පවතින යුදමය වාතාවරණය හමුවේ ඊශ්‍රායලයේ සිටින ශ්‍රමිකයින්ගේ ආරක්ෂාව තහවුරු කිරීම සඳහා ගත හැකි සියලුම ක්‍රියාමාර්ග ගන්නා බවයි.
එමෙන්ම යළි දිවයිනට පැමිණීමට කැමැත්තක් දක්වන ඊශ්‍රායලයේ සිටින මෙරට ශ්‍රමිකයින් සඳහා අවශ්‍ය පහසුකම් සලසා ඇති බවත් අමාත්‍යවරයා කියා සිටියේය.